පාණදුර නගර සභාව
ගරු සභාපති තුමාගේ පණිවිඩය
පොහොසත් නගරයක් දුෂණයෙන් තොර කාර්යක්ෂම නගර සභා පාලනයක්!
දේශපාලන පත්වීම්, ඥාති සංග්‍රහ සහිත ගජ මිතුරන්ට වාසි දෙන මෙතෙක් පැවති දේශපාලන සම්ප්‍රදාය වෙනුවට සුදුස්සාට සුදුසු තැන ප්‍රදානය කරන, සෑම පුරවැසියෙකුටම සම තැනක ලා කටයුතු කරන ගෞරවනීය ආයතනයක් බවට පානදුර ජනතාවගේ ජීවන තත්ත්වයේ උන්නතිය සහ අභිවෘද්ධිය උදෙසා කැප වී ක්‍රියා කරමින් වංචාවෙන් හා දුෂණයෙන් තොරව, විනිවිදභාවයෙන් යුතු නීතිගරුක සාධාරණ පාලන ක්‍රමයක් ස්ථාපිත වු ආයතනයක් බවට පත් කිරිමට අප සපථ වන්නෙමු ඒ සඳහා,
# තිරසාර කසල කළමනාකරණ පද්ධතියක්
# ජල අපවහ පද්ධතිය යාවත්කාලීන කිරිම හා වැසි ජලයෙන් නගරය යටවීමේ ගැටලුවට විද්‍යාත්මක විසදුමක්.
# විධිමත් පොදු වැසිකිලි පද්ධතියක් ස්ථාපිත කිරීම.
# මදුරු උවදුර හා ඩෙංගු ව්‍යාප්තිය පාලනය කිරිම සඳහා ඵලදායී ව්‍යාපෘතියක්.
# කාර්යක්ෂමතාව හා ඵලදායීතාව ඉහළ නැංවෙන පරිදි නගර සභා සේවාවන් ඩිජිටල්කරණය.
# කුසලතා සංවර්ධනය හා නුතන වෘත්තීය පුහුණු මධ්‍යස්ථාන සහිත නවීන පුස්තකාල පද්ධතියක්.
# දරුවන්ගේ ජීවිත මුලික පදනම ශක්තිමත් කරන ඉහළ ගුණාත්මක බවින් යුතු නවීන පෙර පාසල් පත්ධතියක් හා දිවා සුරැකුම් මධ්‍යස්ථාන පද්ධතියක් .
# බෝ නොවන රෝග පාලනය සහ ජනයාගේ සෞඛ්‍ය ආරක්ෂාව මුලික කොටගත් උසස් සේවාවක් සපයන මාතෘ හා ළමා සායන, දේශිය වෛද්‍ය සායන, සෞඛ්‍ය සායන පද්ධතියක්.
# විශේෂ අවශ්‍යතා සහිත දරුවන් සහ පුද්ගලයන් සඳහා පහසුකම් සහිත පරිසරයක්.
# සොබා සෞන්දර්ය ඉහළ නැංවීමේ, විනෝද කටයුතු ප්‍රවර්ධනය හා ආර්ථික ඉලක්ක අරමුණු කර ගනිමින් වෙරළ හා ගංගා ආශ්‍රිත පාරිසරික පද්ධතිය සංරක්ෂණය හා සංවර්ධනය.
# සුර්ය ශක්තිය උපයෝගී කර තිරසර බලශක්ති ව්‍යාපෘති මගින් නගරය තුළ බලශක්ති අවශ්‍යතාවන් නවීකරණය.
ඇතුලු ජනජීවිතයට වඩාත් අදාල වන ගැටලු නිරකරණය කර, පහසුකම් සංවර්ධනය කරමින් , පානදුර නගරය නවීන ලෝකය සමඟ ඉදිරියට යා හැකි සුහුරු (Smart) හරිත (Green) අන්තර්කරණිය නගරයක් බවට පත් කරන්නෙමු.
එතැනින් නොනැවතී පානදුර මහ නගර සභාවක් දක්වා උසස් කිරීමට අපි කැපවන්නෙමු.
එල්. ආර්. හේමකුමාර ප්‍රේරා මහතා
ගරු සභාපති