පාණදුර නගර සභාව

උප සභාපතිතුමාගේ පණිවිඩය

අභිමානවත් ඉතිහාසයකට උරුමකම් කියන්නා වුද, බොදු පුරවරය ලෙස හදුන්වන මිගෙට්ටුවත්තේ ගුණානන්ද හිමියන් වැනි ශ්‍රේෂ්ඨ බුදු පුත් රුවනක් වැඩ විසු, ආතර් වී දියස් මැතිතුමා වැනි යුග පුරුෂයන් ලක් මවට දායාද කලා වු පුණ්‍ය භූමියක ජීවත්වන නගරයේ දෙවන පුරවැසියා වශයෙන් මම ඔබ සැම පාණදුර නගරයට සාදරයෙන් පිළිගනිමි.

පාණදුර නගරය දිනෙන් දින දියුණුවන ක්‍රියාශීලී නගරයක් වන අතර, පාණදුර ජනතාව වෙත සුහදශීලී සේවාවක් ලබා දීමට අපි බැදී සිටින්නෙමු. ඉතා සීග්‍රයෙන් දියුණුවන ලෝකයත් සමඟ ඉදිරියට පිය නැගීම සඳහා නව තොරතුරු තාක්ෂණික ක්‍රම භාවිතා කීරිම අත්‍යවශ්‍ය බව මාගේ පෞද්ගලික විශ්වාසයයි. පාණදුර නගර සභා බල ප්‍රදේශයේ ජනතාවට තොරතුරු තාක්ෂණයේ නිසි ප්‍රතිලාභ මෙම වෙබ් අඩවිය මගින් හිමිකර දීමට මා බලාපොරොත්තු වෙමි.